Лукашэнка ў ролі загадчыка склада

Сустрэча дыктатара з кіраўнікамі МУС краін СНД нагадала сцэну з вядомага фільма.

Праўда, Лукашэнка ў гэтым выпадку выступаў не ў ролі Шурыка, а ў ролі загадчыка склада, які ўвесь час краў і спрабуе схаваць нястачу, піша «Салiдарнасць»:

- Можа скласціся сітуацыя так, што кожнае з нас - дзяржава - без гэтага адзінства не абыдзецца. І калі мы сёння гэта не зразумеем, з намі разбяруцца паасобку. Але калі абрынецца Расея - мы ў гэтую варонку ўсе будзем уцягнутыя, - папярэдзіў Лукашэнка прадстаўнікоў органаў краін СНД.

Ён паскардзіўся, што суседзі імкнуцца «трымацца далей ад Расеі» праз вайну і заклікаў да адзінства.

- Многія шукаюць выгаду, у тым ліку адыходзячы ад агульнага нашага, створанага ў савецкія часы трэнду развіцця. Некаторыя [думаюць]: «Далей ад Расеі будзем трымацца, яна пад санкцыямі. Мы неяк баімся патрапіць пад іх і гэтак далей… Шукаем сваю выгаду». Не рабіце гэтага, - заклікаў Лукашэнка.

Як вядома, у лік краін СНД на сёння, апроч Расеі, уваходзяць: Азербайджан, Арменія, Казахстан, Кыргызстан, Таджыкістан, Узбекістан і Беларусь.

Пытанне на засыпку: якая ж з гэтых краін, дакладней яе рэжым, абрынецца ў выпадку падзення Расеі?

Больш за тое, звання «суагрэсара» пакуль што таксама ўдастоена толькі адна з іх - што, відавочна, і тлумачыць жаданне астатніх «трымацца далей».

Вымаўляючы займеннік «мы» ў кантэксце ўсеагульнага падзення разам з Расеяй, Аляксандр Рыгоравіч, відавочна, крыху перабольшыў. Прыкладна, як загадчык склада Петухоў з цудоўнага гайдаеўскага фільма.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]