УСУ прасунуліся ўжо на 26 км у бок Курска

Украінскія танкі зайшлі ў Іўніцу.

Падраздзяленні ўкраінскага войска працягваюць рух углыб Расеі: раніцай у сераду яны былі ўжо ў сяле Іўніца Курскай вобласці, паведаміў Z-канал «Два маёры».

Са звестак канала, у сяле было шэсць ці сем танкаў. Карту баявых дзеянняў па стане на раніцу чацвярга апублікавала «Радыё Свабода».

Z-канал «Імгненне Расеі» паведаміў, што невялікія групы ўкраінскіх вайскоўцаў пераразаюць трасу Суджа - Льгоў у раёне вёскі Анастасьеўкі.

«Два маёры» пішуць, што ў гэтай вёсцы ідзе стралковы бой. Баявыя дзеянні ў гэтым раёне азначаюць, што ўкраінскія сілы знаходзяцца ўжо за 23-26 км ад мяжы з Украінай (столькі наўпрост да мяжы ад Іўніцы і Анастасьеўкі, адпаведна), паведамляе dialog.ua.

Гэтыя населеныя пункты сталі самымі далёкімі мясцінамі, да якіх дайшлі ўкраінскія сілы да раніцы чацвярга.

Да вечара серады было вядома аб прысутнасці ўкраінскіх вайскоўцаў на гэтым участку толькі ў сяле Леанідава (9,5 км ад мяжы), а самая далёкая ад мяжы кропка была на ўскраіне працоўнага пасёлка Карнеева (18 км).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]