«З дурнямі, як высветлілася, развівацца немагчыма»

Беларуска расказала, калі ў нашу краіну вернуцца спецыялісты.

У нашай краіне востра адчуваецца дэфіцыт кваліфікаваных кадраў, заявіла намесніца міністра эканомікі Таццяна Бранцэвіч. Ёй адказала чытачка сайта Charter97.org з Менска:

- Пачула і гучна разрагаталася. А хто ж у гэтым вінаваты? Хто выціскае адукаваных, разумных, высокакваліфікаваных спецыялістаў за мяжу? Спачатку выгналі, пасля ўзяліся адбіраць у людзей маёмасць.

Ведама ж, паспрабуй ты надзень высокакваліфікаванаму спецыялісту на нос ружовыя акуляры, каб разгледзеў стабільнасць і развіццё эканомікі. Разумным чалавекам як запрэжаным канём не пакіруеш. А з дурнямі, як высветлілася, развівацца немагчыма.

Ну а калі працаваць не стала каму, пачалі завозіць кітайцаў, таджыкаў ды іншыя азіяцкія народы. Толькі вось высветлілася, што яны працуюць у параўнанні з беларусамі пусці-павалюся, ды і ўмеюць хіба што плітку на ходнік класці ды на будоўлях жыліцца.

І якія ж цяпер намаганні намесніца будзе прыкладваць? Абяцаць, што цябе не схопяць за падабайку? Хто ж паверыць?

Умова вяртання надзвычай простая і ляжыць на паверхні: як толькі не будзе рэжыму – то ладная частка беларусаў вернецца дадому, каб на сваёй зямлі адрадзіць з руін сваю радзіму.

І ніякія камісія вяртання і пакаяння тут не патрэбныя. А пакуль працэс міграцыі не спыніць не стрымаць, бо людзям патрэбна ўпэўненасць у заўтрашнім дні, а не волкі страх ад думак: па цябе прыйдуць сёння або заўтра?

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]