Джэмілеў распавёў, як «выцесніў» Пуціна з Крыма
- 27.02.2024, 10:11
- 4,636
![Джэмілеў распавёў, як «выцесніў» Пуціна з Крыма](https://i.c97.org/p/articles/2016/ai-195293-aux-head-20160316_dzhemilev__T.jpg)
Лідар крымска-татарскага народа раскрыў падрабязнасці спецаперацыі ГУВ.
У навагоднюю ноч гледачы аднаго з крымскіх тэлеканалаў замест звароту дыктатара Уладзіміра Пуціна глядзелі ролік, падрыхтаваны ГУВ Мінабароны Украіны, выступ лідара крымска-татарскага народа Мустафы Джэмілева.
У інтэрв'ю NV Джэмілеў распавёў, як кіраўнік ГУВ Кірыл Буданаў папрасіў яго падрыхтаваць прамову на адну хвіліну для гэтай трансляцыі.
“Я тады казаў, што гэта, магчыма, апошні год акупацыі Крыма і ўсім акупантам лепш з Крыма прыбірацца”, - успомніў палітык свой выступ.
![](https://i.c97.org/ai/585279/aux-1709017848-1.jpg)
Планавалася "ўзламаць" тэлеэфір на ўсёй паўвыспе, але атрымалася зрабіць гэта толькі на адным мясцовым канале. Тым не менш зварот Джэмілева паглядзела блізу паўтара мільёна крымчукоў.
"У нас і з таго боку лініі фронту ёсць людзі, якія чакаюць, калі вызваленне [Крыма] пачнецца", – сказаў NV лідар крымска-татарскага народа.
Паводле ягоных слоў, расейцы прызнаюць рызыку дэакупацыі як рэалістычную.