Кітайскія і расейскія вайсковыя самалёты ўвайшлі ў зону СПА Паўднёвай Карэі

Сеул падняў свае знішчальнікі ў адказ.

У пятніцу, 29 лістапада, пяць кітайскіх і шэсць расейскіх вайсковых самалётаў без папярэджання ўвайшлі ў зону ідэнтыфікацыі супрацьпаветранай абароны Паўднёвай Карэі (KADIZ). Інцыдэнт адбыўся над морам ля ўсходняга і паўднёвага ўзбярэжжа.

Пра гэта паведамляе Yonhap News Agency. Там паднялі свае знішчальнікі ў адказ.

Як паведаміў прадстаўнік Аб'яднанага камітэта начальнікаў штабоў (АКНШ), з 9.35 да 13.53 кітайскія і расейскія вайсковыя самалёты паслядоўна заходзілі ў зону ідэнтыфікацыі супрацьпаветранай абароны Паўднёвай Карэі над усходнім морам і водамі ля паўднёвага ўзбярэжжа. Чыноўнік адзначыў, што паветраная прастора Паўднёвай Карэі парушаная не была.

Кітайскія і расейскія вайсковыя самалёты ўвайшлі ў зону СПА Паўднёвай Карэі

Зона супрацьпаветранай абароны не з'яўляецца тэрытарыяльнай паветранай прасторай, але пазначаная такім чынам, каб замежныя самалёты маглі ідэнтыфікаваць сябе з мэтай прадухілення выпадковых сутыкненняў.

Аб'яднаны камітэт начальнікаў штабоў паведаміў, што ваенна-паветраныя сілы Паўднёвай Карэі выявілі самалёты да таго, як яны ўвайшлі ў зону распазнання, і прынялі “тактычныя” меры, мабілізаваўшы знішчальнікі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]