«Беларуская выведка»: Лукашэнка губляе $5 мільярдаў

Дыктатара папярэдзілі ў КДБ.

У працэсе распрацоўкі прынятага Лукашэнкам дэкрэта аб забароне выдачы ў консульствах пашпартоў, апастыляў даверанасцяў, аналітыкі КДБ, ААЦ і адміністрацыі Лукашэнкі ў свой час падрыхтавалі аналітычныя дакументы, якія былі зведзеныя ў адзіную аналітычную запіску, паведамляе тэлеграм-канал «Беларуская выведка».

У ёй указваецца, што скасаванне магчымасці замены пашпартоў у консульствах за мяжой у перспектыве прывядзе да станоўчага жаданага выніку - магчымага вяртання часткі беларусаў, а таксама ўскладнення жыцця ідэйнай апазіцыі, якая не мае магчымасці ўязджаць у Беларусь. Гэта, мабыць, адзіныя плюсы праекту дэкрэта. Далей у аналітыцы мякка прыводзяцца довады супрацьлеглага характару.

Варта чакаць у перспектыве адаптацыі эмігрантаў і структур ЕЗ да існай сітуацыі і да актыўнай структурызацыі і цэнтралізацыі кіраўніцтва апазіцыі. Прычым падставай цэнтралізацыі паслужыць менавіта створаная праблема з пашпартамі.

Гэта ў сваю чаргу з’яўляецца дадатковым стымулам для эміграцыі або невяртання тых, хто ўжо з'ехаў.

Пацвярджаецца, што ўказам удалося дасягнуць галоўнай эканамічнай мэты - спынення масавага вывазу капіталу з краіны. Праблема ў тым, што эмігранты, адаптаваўшыся ў месцах знаходжання, актыўна пазбаўляюцца ад нерухомасці і аўта ў РБ. Гэта збольшага блакуе дэкрэт, забараняючы рэалізацыю ўсякай маёмасці па даверанасці, што спыняе выцек капіталу з краіны.

Але самае важнае, што пазначана ў дакуменце - гэта масавая для маштабаў краіны эміграцыя самых кваліфікаваных і кампетэнтных працоўных рэсурсаў і звязаны з гэтым выцек капіталу з краіны ў суме да 5 мільярдаў даляраў.

Аналітыкі папярэджваюць, што ў электаральны перыяд з 2020 да 2025 года краіну ўжо пакінула і яшчэ пакіне ўсяго блізу 500 тысяч насельніцтва. Зыходзячы з разліку, што кожны прыблізна павязе з сабой па $10 000 на сямейніка (пазбавіўшыся ад нерухомасці, ашчадкаў, аўта і т. п.), атрымліваецца катастрафічная сума 5 мільярдаў даляраў.