Турэцкі банк пачаў абнуляць і закрываць рахункі расейцам

Гэты банк з’яўляецца адным з самых папулярных сярод расейскіх кліентаў.

Турэцкі Denizbank, адзін з самых папулярных сярод расейскіх кліентаў, увёў для расейцаў новыя ўмовы абслугоўвання. Пра гэта другі дзень пішуць расейскія кліенты Denizbank у неафіцыйным тэлеграм-канале аб банку. Частка з кліентаў сутыкнулася з нечаканымі спісаннямі ў розных валютах з рахункаў, якія часта прыводзілі да абнулення рахунку. Карыстальнікі пішуць, што пасля звароту да мэнэджараў Denizbank высветлілася, што з праблемамі сутыкнуліся перш за ўсё кліенты, якія практычна не карысталіся паслугамі тры месяцы і трымалі рэшткі на рахунках у сумах, меншых за 2000 лір (менш за $100). Адзін з кліентаў Denizbank піша, што банк пачаў закрываць валютныя рахункі неактыўным кліентам, паведамляе The Moscow Times.

Паводле інфармацыі тэлеграм-канала Ranarod, у аднаго з яго падпісчыкаў зніклі 51 турэцкая ліра і $2,86, у іншага - 846 лір і $22,27, спісанні лір, даляраў і еўраў маглі адбывацца ў розныя дні з 5 да 8 чэрвеня. У квітанцыі транзакцыі спісання праходзяць пад пазнакай «камісія за абслугоўванне рахунку». Падтрымка банка не адказвае на звароты, аператары гарачай лініі адказваюць, што не могуць дапамагчы і разбіраюцца ў тым, што здарылася.

Раней Denizbank перашкаджаў транзітным выплатам за мяжу. «У ідэале меркавалася, што грошы, якія паступілі на ваш турэцкі рахунак з-за мяжы, нельга будзе адправіць далей у Еўропу, ЗША і іншыя краіны, якія ўвялі санкцыі супраць Расеі», – пісала юрыстка Алена Разанава.

У сярэдзіне верасня 2022 года Denizbank адмовіўся абслугоўваць расейскія карткі «Мір», паведамляла агенцтва «Прайм». Гэта адбылося пасля таго, як Мінфін ЗША прыстрашыла другаснымі санкцыямі банкам за межамі Штатаў, якія ўкладаюць пагадненні з НСПК, аператарам аплатнай сістэмы «Мір».

Тады ж газета Financial Times пісала са спасылкай на крыніцы, што ЗША і Еўразвяз узмацнілі ціск на Турцыю, каб спыніць абыход мясцовымі банкамі антырасейскіх санкцый.