У Кубку Англіі забіты самы хуткі гол у гісторыі
2- 3.06.2023, 21:13
- 14,898
Футбаліст каманды Нямеччыны ашаламіў заўзятараў спаборніка.
Паўабаронца «Манчэстэр Сіці» Ілкай Гюндаган вызначыўся фантастычным ударам у фінале Кубка Англіі. 32-гадовы футбаліст каманды Нямеччыны адкрыў лік у матчы супраць «Манчэстэр Юнайтэд» ужо на 13-й секундзе, піша obozrevatel.com.
Пасля разгульвання з цэнтра поля мяч патрапіў да галкіпера «гараджанаў». Той выбіў яго практычна да штрафной спаборніка, Кевін дэ Бруйнэ пазмагаўся з двума абаронцамі, скінуў мяч Гюндагану і той у дотык скіраваў яго ідэальна ў дзявятку брамы Дэ Хеа.
Гэтае ўзяцце брамы стала самым хуткім у гісторыі фіналаў Кубка Англіі, які праводзіцца з 1871 года.
Папярэдні рэкорд належаў былому гульцу «Эвертана» Луі Саа. У 2009 годзе французскі футбаліст гвадэлупскага паходжання адкрыў лік на 25-й секундзе.
У выніку матч «Манчэстэр Сіці» – «Манчэстэр Юнайтэд» закончыўся з лікам 2:1. Пасля таго як Бруна Фернандэш ударам з пенальці зраўняў лік, усё той жа Гюндаган у дэбюце другога тайма аформіў дубль.
İLKAY GÜNDOĞAN AT THE DOUBLE TO RETAKE THE LEAD!!!#FACupFinal #EmiratesFACup #FACup pic.twitter.com/0Z2UPYGoO2
— Football Report (@FootballReprt) June 3, 2023