28 сакавiка 2024, Чацвер, 12:06
Падтрымайце
сайт
Сім сім,
Хартыя 97!
Рубрыкі

Валерый Цапкала: У Лукашэнкі невылечнае захворванне

33
Валерый Цапкала: У Лукашэнкі невылечнае захворванне
ВАЛЕРЫ ЦАПКАЛА

Паводле словаў палітыка, лік ідзе на месяцы.

У інтэрв'ю галоўнай рэдактарцы выдання «Гардон» Алесі Бацман беларускі палітык Валерый Цапкала расказаў пра праблемы са здароўем Аляксандра Лукашэнкі.

«Усе факты, якія я выклаў, яны сто адсоткаў дакладныя. Яму ў чацвер увечары стала дрэнна, яго змясцілі ў Цэнтральную клінічную лякарню Масквы. Спачатку спрабавалі мясцовыя лекары прывесці яго ў нармальны стан, у яго быў востры шок, ён нават страціў прытомнасць. І калі гэта адбылося, уначы былі паднятыя практычна ўсе лекары горада Масквы, найлепшыя спецыялісты», – расказаў Цапкала.

Палітык сцвярджае, што ў Лукашэнкі невылечнае захворванне.

«<...> Захворванне невылечнае, рэцыдывы будуць паўтарацца. Яго будуць падтрымліваць на гарманальнай тэрапіі. На адрэналіне і гармоне ён зможа выконваць абавязкі, але гэта будзе адбывацца з пэўнай перыядычнасцю», – адзначыў апазіцыянер.

Паводле словаў палітыка, у Лукашэнкі вельмі сур'ёзнае «сасудзістае захворванне» і дыктатар ужо «збіты лётчык».

Напісаць каментар 33

Таксама сачыце за акаўнтамі Charter97.org у сацыяльных сетках