У Магілёве кіроўца BMW вучыў іншага кіроўцу

Відэа апынулася ў ДАІ.

Раніцай 22 траўня на Менскай шашы ў Магілёве кіроўца BMW стварыў аварыйную сітуацыю, аднак не ўлічыў, што яго манеўры патрапілі на відэарэгістратар. Кіроўца BMW надумаў нечаму павучыць іншага кіроўцу, але сам парушыў ПДР, піша abw.by.

ДАІ паведаміла, што ўстанавіла асобу кіроўцы BMW. Ім быў 46-гадовы мясцовы жыхар. «У дачыненні да мужчыны складзены пратакол, яму пагражае штраф ад 5 да 20 базавых адзінак з пазбаўленнем пасведчання кіроўцы да двух гадоў або без пазбаўлення», - паведаміла ДАІ, дадаўшы, што дарога не месца для такіх дзеянняў.