СМІ: Падзенне рэзерваў ЦБ Турцыі пагражае курсавым шокам

Эканоміку краіны ліхаманіць напярэдадні другога тура прэзідэнцкіх выбараў.

Рэзкае зніжэнне ўзроўню золатавалютных рэзерваў цэнтральнага банка Турцыі выклікае асцярогі «курсавога шоку» ў краіне, і ў выпадку спынення валютных інтэрвенцый даляр можа пачаць таргавацца ў дачыненні да нацыянальнай валюты - ліры - у інтэрвале 25-30, прыкметна ўмацаваўшыся да бягучага курсу, які пакуль не перавышае 20 ліраў.

Аб гэтым піша турэцкая газета Dünya.

Паводле звестак ЦБ Турцыі, калі на 5 траўня яго рэзервы складалі 68,4 млрд даляраў, то на 12 траўня яны ўпалі амаль на 8 млрд, склаўшы 60,8 млрд даляраў.

«Падзенне рэзерваў назіраецца, бо скончыліся магчымасці Цэнтрабанка ўмешвацца ў абменныя курсы, узмацняць успрыманне таго, што «не засталося рэзерваў для ўтрымання абменнага курсу», і асцярогі «курсавага шоку». Экспарцёры, якія рэагуюць на курс даляра, які складае 19,5 ліры на паперы і 22,5 ліры на рэальным рынку, хочуць, каб абменны курс быў хаця б на ўзроўні каля 25 лір. У эканамічных колах сцвярджаюць, што ў выпадку скасаваны інтэрвенцый абменны курс можа знаходзіцца ў дыяпазоне 25-30 лір за даляр», - піша выданне.

Ліра цяпер прадаецца на ўзроўні 19,56 у дачыненні да даляра, але ў валютных абменніках у Анкары і Стамбуле даляр купляюць курсам вышэйшма за 20, а прадаюць ад 21 ліры і вышэй. Год таму курс ліры да даляра быў на ўзроўні 16-16,5 лір.

Што да гадавой інфляцыі, са звестак Turkstat, па выніках красавіка яна склала 43,7%, знізіўшыся за месяц з 50,5%. А незалежная група аналізу інфляцыі (ENAG) заяўляе, што паказчык перавысіў 105%. ЦБ Турцыі прагназуе, што да канца года інфляцыя складзе 22,3%.