Дырэктар заводу «Полацк-Шкловалакно» намякнуў на шкодніцтва Лукашэнкі

Падчас «палітінфармацыі» ўзніклі цікавыя паралелі.

У пачатку траўня гендырэктар завода «Полацк-Шкловалакно» Ілля Ікан у рамках інфармацыйнага дня распавёў супрацоўнікам аб праблемах, з якімі сутыкнулася прадпрыемства, піша «Салідарнасць».

З яго слоў, раней амаль 90% прадукцыі экспартавалася на рынкі Еўропы, Украіны, Карэі, Японіі і іншых краін.

- Высокамаржынальныя прадукты прыносілі асноўны даход, дазвалялі прадпрыемству развівацца, акупляць існую дзейнасць, мець мінімальную крэдытную запазычанасць, выплачваць работнікам годны заробак плату, - нагадаў кіраўнік аб ранейшых адносна бесклапотных днях. Але з другога паўгоддзя 2022-га сітуацыя змянілася не найлепшым для «Полацк-Шкловалакна» чынам:

- У сувязі з павелічэннем санкцыйнага ціску назіраюцца праблемы з рэалізацыяй прадукцыі ў краінах Еўропы і далёкага замежжа, цяжкасці з праходжаннем выплат, адток кліентаў і адмова буйных контрагентаў ад сваіх абавязацельстваў, поўнае закрыццё некаторых рынкаў.

Са слоў гендырэктара, фінансава-эканамічная сітуацыя прадпрыемстве працягвае заставацца нестабільнай. У пацверджанне гэтага з залы гучалі пытанні аб тэрмінах аднаўлення прэміяльных выплат.

Ды і сам дырэктар пацвердзіў гэта лішні раз у адказе на пытанне, калі для спецыялістаў будзе пашыраная службовая паркоўка:

- Калі на прадпрыемстве будзе адноўлены вытворчы рэжым і аплата працы.

Кіраўнік прадказальна замоўчваў аб вінаватым у бедах, з якімі сутыкнулася яго прадпрыемства. Санкцыі ў дачыненні да «Полацк-Шкловалакна» ўводзіліся і раней, але былі прыпыненыя.

У пачатку чэрвеня 2021-га ЗША аднавілі іх за прымусовую пасадку ў менскім аэрапорце пасажырскага самалёта кампаніі Ryanair.

Зрэшты, прытрымліваючыся традыцыі правядзення такіх мерапрыемстваў, дырэктар пачаў не з сітуацыі на заводзе, а з асвятлення асноўных тэзісаў нядаўняга паслання Лукашэнкі, адзначыўшы «важнасць гэтай тэмы для кожнага грамадзяніна». І тым самым мімаволі правёў сувязь паміж прычынай і следствам цяжкасцяў, якія адолелі «Полацк-Шкловалакно».

Ці наўрад самі службоўцы ў гэтым публічна прызнаюцца ў сённяшніх рэаліях, але яны ўжо сапраўды здольныя правесці гэтую сувязь. І не толькі яны.

Таму невыпадкова, мусіць, у канцы палітінфармацыі намеснік гендырэктара ў бяспецы, рэжыму і кадрах «яшчэ раз нагадаў працаўнікам завода аб неабходнасці выконваць інфармацыйную гігіену ў інтэрнэце, сачыць за спісам матэрыялаў, прызнаных у нашай краіне экстрэмісцкімі».