Польшча павялічыць вытворчасць боепрыпасаў перад контрнаступам УСУ

Варшава заклікала хаўруснікаў стварыць новыя заводы для вытворчасці боепрыпасаў на тэрыторыі Польшчы.

Польшча плануе павялічыць вытворчасць боепрыпасаў напярэдадні магчымага вясновага контрнаступу УСУ на фронце. Пра гэта 29 сакавіка заявіў на прэс-канферэнцыі прэм'ер-міністр краіны Матэвуш Маравецкі, паведамляе Sky News.

Ён заклікаў хаўруснікаў, прыватныя, дзяржаўныя і замежныя кампаніі прыняць выклік і стварыць новыя заводы для вытворчасці боепрыпасаў на тэрыторыі Польшчы.

Паводле словаў Маравецкага, Польшча плануе вылучыць 2 млрд злотых ($462,5 млн) на інвестыцыі з бюджэту.