Беларусы даведаліся ў лекараў, як правільна есці бульбу

Топ-6 парадаў медыкаў аб здароўі.

Выданне belarus.kp.ru назвала топ-6 парадаў лекараў аб здароўі, якія беларусы чыталі больш за ўсё.

Вось гэтыя матэрыялы аб здароўі сабралі больш за ўсё праглядаў за тыдзень. Тэмы розныя: харчаванне, анкалогія, халестэрын, інфекцыйныя захворванні, гігіена.

З чым нельга есці бульбу, каб не рос жывот

Мяса з бульбай расейскі кардыёлаг кандыдат медыцынскіх навук Ганна Караневіч назвала няўдалым спалучэннем, якое прывядзе да лішніх кілаграм і праблем са здароўем. А яшчэ лекарка рэкамендавала адмовіцца ад хлеба за абедам і дэсерту пасля вячэры. Хоць усе гэтыя прадукты па асобку і ў разумных аб'ёмах - нармальна.

«Дрэнны» халестэрын ідзе ўверх у тых, што перахварэлі на ковід

Амерыканскія эпідэміялогіі вывучылі звесткі аб стане здароўя больш за 50 тысяч чалавек якія перахварэлі на каранавірусную інфекцыю ў цяжкай і лёгкай форме і прыйшлі да высновы, што ва ўсіх іх здарыўся магутны скок «дрэннага» халестэрыну, ці па-навуковаму кажучы дысліпідэмія. І гэты стан дыягнаставаўся і праз год пасля перанесенага ковіду. Дрэнны халестэрын жа прамая дарога да атэрасклерозу, інфарктаў і інсультаў.

Простая парада, як папярэдзіць рак

Простую параду па прафілактыцы анкалогіі даў вядомы расейскі лекар-таксіколаг акадэмік прафесар Міхаіл Кутушоў, вядомы як стваральнік унікальнага прадукту сімбіёнтаў і мікрабіётыкаў, якія носяць яго імя.

Галоўнае правіла - раніцай нашча шклянку цёплай вады з лімонам для стварэння шчолачнага асяроддзя арганізма. Такую ваду медык рэкамендуе піць да 2 літраў на дзень. Снедаць абавязкова і збалансавана на працягу першай гадзіны пасля абуджэння. А вось каву піць асобна ад ежы і пасля 9 гадзін раніцы.

Чатыры сімптомы магчымай анкалогіі

Анколагі Каліфарнійскага ўніверсітэта ў Сан-Францыска папярэдзілі аб чатырох сімптомах, якія могуць паказваць на рак. Гэта сухі кашаль без бачнай прычыны больш за 2 тыдні (можа паказваць на рак лёгкіх), галаўны боль (на пухліну мозгу), стомленасць і апатыя (на лейкемію), сухі ўчастак скуры, які свярбіць (рак скуры).

Правілы выдалення серы з вуха

Серныя коркі нельга вычысціць палачкамі для вушэй. У ідэале іх вымывае або дастае спецыяльным кручком медык, расказала лекарка-аталарынголаг Кацярына Майсейчук. Дарэчы, дзякуючы кісламу ph-асяроддзю сера змяншае рост бактэрый і грыбковых інфекцый у арганізме чалавека, а часам і абараняе вушы ад траплення мошак.

Коркі могуць не выяўляць сябе доўгі час, а набракнуць і перакрыць слых пасля наведвання басейна, напрыклад. Парада ад лекара: калі ў вушы патрапіла вада і вы адчуваеце дыскамфорт, то можна пасушыць вушы з дапамогай фена, трымаючы яго на ўзроўні 20–25 сантыметраў ад вушэй.

А вось чысціць вуха толькі пальцам, загорнутым у тонкі ручнік. Куды дасталі - там і спыніліся.

Новы тэст Манту

Беларускія медыкі расказалі аб новым скурным тэсце замест пробы Манту для дзяцей з 8 да 17 гадоў і дарослых. Гэта дыяскінтэст, які распрацавалі расейскія навукоўцы.

У 50% выпадку тэст Манту будзе ілжэ дадатным, калі дзіця нядаўна прышчэплівалі вакцынай БЦЖ або БЦЖ-М. Аднак, яшчэ некалькі гадоў таму, пры ўпершыню зарэгістраванай станоўчай пробе Манту дзецям усё ж прызначалася працяглае прафілактычнае лячэнне процітуберкулёзнымі прэпаратамі.

Станоўчы ж вынік дыяскінтэсту будзе ў тых дзяцей, у якіх сухотная інфекцыя актыўная.