Украінскі афіцэр патлумачыў, чаму ў Лукашэнкі пачалася істэрыка

У дыктатара наспяваюць вялікія праблемы.

Вялікая Брытанія збіраецца перадаць Украіну бранябойныя боепрыпасы са збедненым уранам для танкаў Challenger 2. Яны будуць выдатна знішчаць варожую тэхніку. А яшчэ - ад іх страшна «гарыць» у расейскіх акупантаў і Аляксандра Лукашэнкі.

Пра гэта «24 каналу» распавёў афіцэр УСУ, баец 1 брыгады спецыяльнага прызначэння імя Івана Багуна Тарас Беразавец. З яго слоў, набоі са збедненым уранам выкарыстоўваюць цягам многіх дзесяцігоддзяў.

Як адзначыў Беразавец, расейскія прапагандысты адразу пачалі расказваць рознае трызненне, што такія набоі выклікаюць бясплоднасць, правакуюць праблемы з экалогіяй. Гэта абсалютная хлусня.

«Гэтая зброя не з'яўляецца ядзернай. Яно не нясе пагрозы забруджвання і не выклікае бясплоднасці. Гэта проста набоі, якія выкарыстоўваюцца для знішчэння бронетэхнікі. Валодаюць высокай бранябойнай здольнасцю. Яны будуць наскрозь прашываць расейскую тэхніку і знішчаць усё, што ёсць у расейцаў», - адзначыў Беразавец.

Самазванец Лукашэнка ўвогуле пачаў расказваць, што ў адказ Расея можа даць яму ядзерную зброю. Беразавец мяркуе, што дыктатар не проста так у істэрыцы.

«Была інфармацыя, што ён збіраецца адправіць на фронт прадстаўнікоў уласнай прыватнай вайсковай кампаніі, дзе знаходзіцца блізу 2 тысяч чалавек. Яна нібыта называецца «Артсэрвіс».

Магчыма, гэтыя найміты будуць у расейскіх танкавых войсках. А Лукашэнку будзе значна складаней адказваць перад сваякамі загінулых, чым Пуціну», – выказаў меркаванне Беразавец.

На розных кірунках фронту былі адзінкавыя выпадкі затрыманняў грамадзянаў Беларусі. Нельга пакуль сцвярджаць, што тамтэйшае войска ваюе супраць Украіны. Гэта пераважна прадстаўнікі беларускіх спецслужбаў.

«Зрэшты, інфармацыя аб 2 тысячах наймітаў - сур'ёзная «заяўка» на ўдзел злачыннага рэжыму Беларусі ў вайне супраць Украіны. Калі гэта адбудзецца, то схаваць будзе немагчыма. Гэта пацягне за сабой значна большыя праблемы для Лукашэнкі ўключна з санкцыямі. Таксама гэта будзе непапулярны крок, бо амаль 90% беларусаў супраць удзелу ў вайне», - падкрэсліў Беразавец.