СМІ: У «ліквідаванага замежніка» з Гародні ёсць яшчэ адзін падробны пашпарт

Такія афармляюць для сілавікоў.

Як паведамляў сайт Charter97.org, 19 сакавіка ў Гародні былі чуваць выбухі і страляніна, з'яўлялася інфармацыя і пра затрыманні. Пазней КДБ паведаміў пра "ліквідацыю замежніка", які, паводле версіі сілавікоў, планаваў тэракт і чыніў супраціў "з выкарыстаннем аўтаматычнай зброі і шляхам падрыву баявых гранатаў".

Учора на беларускай дзяржаўнай тэлевізіі паказалі момант ліквідацыі замежніка ў Гародні. У сюжэце заявілі, што гэта быў расеец, закінуты ў Беларусь з тэрыторыі Польшчы – Аляксей Ламакін. Сілавікі сцвярджаюць, што дакументы падробленыя.

У "ліквідаванага замежніка" з Гародні, які, на думку беларускіх уладаў, рыхтаваў тэракты і меў фальшывы расейскі пашпарт, меўся яшчэ адзін падроблены дакумент: такія ў Беларусі выдаюць супрацоўнікам міліцыі і спецслужбаў. Пра гэта "Кіберпартызаны" паведамілі беларускай a target="_blank" href=https://mediazona.by/article/2023/03/24/trinity>"Медыязоне".

На сцвярджэнне актывістаў, у Ламакіна ёсць яшчэ адзін пашпарт на імя Аляксея Сямёнава. Гэты дакумент падроблены, бо запіс аб ім закрыты ў базе АІС: так звычайна робяць для супрацоўнікаў міліцыі і агентаў спецслужбаў.

Акрамя гэтага, у Сямёнава ў базе няма гісторыі змены пашпартоў і адсутнічае пасведчанне аб нараджэнні, сцвярджаюць "Кіберпартызаны".