УСУ атакавалі 20 раёнаў дыслакацыі расейскіх вайскоўцаў

Вечаровая зводка Генштаба УСУ.

З пачатку цяперашніх сутак украінскія вайскоўцы адбілі 38 варожых нападаў і знішчылі артылерыйскае падраздзяленне расейцаў на агнявой пазіцыі. У ходзе баявых дзеянняў былі падбітыя 20 раёнаў групавання асабовага складу і ваеннай тэхнікі РФ, склад боепрыпасаў, два ЗРК, дзве станцыі РЭБ і артылерыйскае падраздзяленне.

Пра гэта паведамляе Генштаб УСУ ў вечаровай зводцы ў пятніцу, 24 сакавіка.

Указана, што сёння вораг нанёс 40 авіяцыйных і пяць ракетных удараў, здзейсніў больш за 20 абстрэлаў з РСЗА па пазіцыях УСУ і цывільнай інфраструктуры населеных пунктаў. Загінулі мірныя жыхары.

Расейскія агрэсары засяроджвалі асноўныя намаганні на вядзенні наступальных дзеянняў на Ліманскім, Бахмуцкім, Аўдзееўскім, Мар'інскім і Шахцёрскім кірунках. На іх украінскія ваяры адбілі 38 варожых атак.

На Валынскім, Палескім, Северскім і Слабажанскім кірунках аператыўная абстаноўка была без змяненняў. Вораг здзейсніў абстрэлы па раёнах населеных пунктаў Гарадзішча Чарнігаўскай вобласці; Харкаўка, Іскрыскаўшчына, Варажба, Белаполле, Рэкі і Міраполле ў Сумскай вобласці, а таксама Басавое, Ветэрынарнае, Казачая Лопань, Краснае, Агірцэва, Ваўчанск, Амбарнае і Таполя Харкаўскай вобласці.

На Купянскім і Ліманскім кірунках праціўнік вёў беспаспяховыя наступальныя дзеянні ў раёне Серабранскага лясніцтва і паблізу населеных пунктаў Гранікіўка і Білагорыўка. Здзейсніў артылерыйскія абстрэлы па раёнах населеных пунктаў Каменка, Дварычная, Гранікіўка, Западнае, Купянск і Пішчанае Харкаўскай вобласці; Стальмахіўка, Неўскае, Дзіброва і Білагораўка – Луганскай вобласці, а таксама Тэрны і Спірнае ў Данецкай вобласці.

На Бахмуцкім кірунку вораг прадаўжаў штурмавыя дзеянні каля горада Бахмут, які ўтрымліваюць УСУ, а таксама ў раёнах населеных пунктаў Арэхава-Васыліўка, Багданіўка, Іваніўскае і Ступочкі Данецкай вобласці. Абстраляў населеныя пункты Мінькаўка, Арэхава-Васыліўка, Грыгароўка, Бахмут, Іваніўскае, Часіў Яр, Ступочкі, Прадтычына, Аляксандра-Шультына, Залізнае, Севернае і Тарэцк.

На Аўдзееўскім, Мар'інскім і Шахтарскім кірунках вораг вёў наступальныя дзеянні ў кірунку населеных пунктаў Керамік, Стэпнае, Аўдзееўка, Севернае, Первамайскае і Пабеда Данецкай вобласці. Удачы не меў. Шматлікія абстрэлы зазналі Аўдзееўка, Тоненька, Нятайлава, Ластачкіна, Георгіеўка, Мар'інка, Пабеда, Новаміхайлаўка, Вуглядар, Прачысціўка і Залатая Ніва ў Данецкай вобласці.

На Запарожскім і Херсонскім кірунках вораг абараняўся. У той самы час абстрэльваў населеныя пункты Вольгіўскае, Малінаўка, Краснае, Гуляйполе, Залізнычнае, Чарыўнае, Белагор'е, Малая Такмачка, Новаданілаўка, Арэхіў, Новаандрэеўка і Стэпнае Запарожскай вобласці; Белазёрка і Херсон.

Авіяцыя Сілаў абароны за дзень нанесла 16 удараў па раёнах групавання асабовага складу і ваеннай тэхнікі акупантаў. Былі збітыя беспілотнікі Шахед-136 і Ланцэт.

Украінскія ракетчыкі і артылерысты падбілі два пункты кіравання, чатыры раёны засяроджвання жывой сілы, узбраення і ваеннай тэхнікі ворага, два зенітна-ракетныя комплексы, склад боепрыпасаў, артылерыйскае падраздзяленне на агнявой пазіцыі і дзве станцыі радыёэлектроннай барацьбы.