Шчодры падарунак: Расея аддае свае землі Кітаю

Экспэрт назваў галоўную асаблівасць пуцінскай «арэнды».

У перыяд з 2014 да 2022 года акупацыйная Расея падпісала з Кітаем дамовы аб перадачы ў арэнду тэрыторыі Пекіну, у тым ліку ў Сібіры і на Далёкім Усходзе. Кітайцам дадзена поўная свабода на арандаваных землях, яны могуць там здабываць карысныя выкапні. Далёка не факт, што ў будучыні Масква зможа вярнуць землі. Пра гэта заявіў палітычны і эканамічны экспэрт Тарас Загародні.

У інтэрв'ю «Главреду» ён распавёў, што за апошнія гады Масква аддала Пекіну ў доўгатэрміновую арэнду вялікія тэрыторыі. У кітайцаў там поўны карт-бланш.

«У перыяд з 2014 да 2022 года Расея і Кітай падпісалі пагадненні аб арэндзе вялікіх тэрыторый прыкладна на 50 гадоў. (У гэты перыяд Масква арандавала мільёны гектараў, у тым ліку ў Сібіры і на Далёкім Усходзе, - рэд.). Фактычна, гэта здача ў арэнду тэрыторый, на якіх кітайцы могуць весці гаспадарку, высякаць лясы, будаваць заводы, здабываць сыравіну і гэтак далей. Гэта фактычна непадкантрольныя Расеі тэрыторыі. У яе ёсць свае законы, свае людзі і, магчыма, нават свае праваахоўныя органы», — адзначыў Загародні.

На ягоную думку, пагадненні выклікаюць пытанні, паколькі далёка не факт, што ў будучыні Расея зможа вярнуць гэтыя землі ад Кітая.

«Тут фактычна паўцёмныя кантракты. Зямлю здаюць у арэнду на 40 гадоў, робяць з ёй што хочуць і наўрад ці потым вернуць. І не факт, што такіх кватэранаймальнікаў потым могуць адтуль выселіць. А што будзе, калі скончыцца арэнда? У якім стане будзе Расея, каб скасаваць дамову арэнды або падпісаць яе па-новаму — вялікае пытанне», — падкрэсліў Тарас Загародні.