29 сакавiка 2024, Пятніца, 4:35
Падтрымайце
сайт
Сім сім,
Хартыя 97!
Рубрыкі

У Бахмуце расейцы распляжылі з артылерыі свае штурмавыя групы

2
У Бахмуце расейцы распляжылі з артылерыі свае штурмавыя групы

Камандзір брыгады імя Канстанціна Астрожскага расказаў аб баях за места.

Нягледзячы на значныя страты, расейскія вайскоўцы не пакідаюць спроб захапіць места-фартэцыю. Акупанты б'юць з артылерыі нават па сваіх штурмавых групах, калі іх спыняюць Сілы абароны.

Пра гэта Military Media Center паведаміў камандзір 30-й асобнай механізаванай брыгады імя князя Канстанціна Астрожскага палкоўнік Уладзімір Сіленка.

Афіцэр УСУ адзначыў, што Бахмут - палітычная пастанова Пуціна. Камандзір 30-й брыгады перакананы, што гэтае места-фартэцыя выканала сваю задачу ўжо на 200%.

«Гэта фарпост, які расейцы спрабуюць узяць, ужываючы тактыку нашэсця штурмавымі групамі па 10-15 чалавек. З досведу дзейнасці на гэтым кірунку, акупанты ўжываюць артылерыю нават па сваіх штурмавых групах, калі іх спыняюць нашы падраздзяленні», - адзначыў палкоўнік.

У той жа час, Сіленка падкрэсліў, што нельга недаацэньваць супраціўніка, ён выпрабоўвае розную тактыку. «Калі акупанты маюць поспех, б'юць штурмавой групай і нарошчваюцца, калі не - пераходзяць на іншы сэктар», - растлумачыў украінскі вайсковец.

Таксама палкоўнік дадаў, калі ўвогуле гаварыць пра варожае камандаванне, то гэта генералы савецкіх часоў. У нас жа збольшага маладыя афіцэры і генералы, больш крэатыўныя і з досведам узаемадзеяння з NATO.

«Расейцы ўжо адчулі на сабе работу зброі, якую нам даюць партнёры, таму ў іх «запалала», - падкрэсліў Сіленка.

Напісаць каментар 2

Таксама сачыце за акаўнтамі Charter97.org у сацыяльных сетках