Сіноптыкі расказалі пра надвор'е ў Беларусі з 21 да 26 сакавіка

Дажджы, туман і да +18°С.

Дажджы, туман і да 18 градусаў цяпла прагназуюць сіноптыкі з 21 да 26 сакавіка, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

«Вясна на тэрыторыі Беларусі ўсё больш становіцца паўнапраўнай гаспадыняй. У мінулыя выходныя тэрыторыя знаходзілася пад панаваннем вобласці павышанага атмасфернага ціску, якая падарыла такое доўгачаканае вясновае сонца. І нягледзячы на тое, што ноччу яшчэ падмарожвала, днём ва ўмовах малавоблачнага надвор'я паветра па краіне выгравалася да 4–12 градусаў, а ў нядзелю ў заходніх раёнах было яшчэ на пару градусаў цяплей.

З тым як падвышалася тэмпература паветра, раставалі і гурбы. Паводле апошніх звестак, снежнае покрыва захоўваецца пераважна па паўночным усходзе Беларусі вышынёй ад 1 да 19 см, – адзначылі ў Белгідрамеце. – У панядзелак грэбень высокага ціску яшчэ ўтрымлівае свае пазіцыі, але ўжо ў аўторак, 21 сакавіка, франтальныя падзелы з Заходняй Еўропы выцесняць яго за межы нашай краіны. На гэтым тыдні чакаецца няўстойлівае з ападкамі ў выглядзе дажджу надвор'е. У начны і ранішні час месцамі будуць згушчацца нядоўгія туманы, у паўночных і паўночна-ўсходніх раёнах на асобных адрэзках дарог яшчэ будзе захоўвацца галалёдзіца. 25 сакавіка, у суботу, месцамі ў краіне дыскамфорту дадасць моцны парывісты вецер».