У Нямеччыне заявілі, што пастаўка Leopard 2 ва Украіну адбудзецца «хутка»

Берлін паставіць Кіеву 14 асноўных баявых танкаў са складоў бундэсвера.

Урад Нямеччыны спадзяецца, што пастаўкі танкаў Leopard 2 ва Украіну супольна з еўрапейскімі партнёрамі будуць «хуткімі».

Пра гэта заявіў 6 лютага ў Берліне намеснік афіцыйнага прадстаўніка ўраду Вольфганг Бюхнер, паведамляе Spiegel.

«Абавязальніцтва Нямеччыны застаецца ў сіле», – сказаў ён.

Бюхнер запэўніў, што ўрад знаходзіцца ў каардынацыі з краінамі-партнёркамі. Ён не змог даць ніякай інфармацыі пра дэталі і абавязальніцтвы іншых краінаў.

Нямеччына абяцала паставіць Украіне 14 асноўных баявых танкаў са складоў бундэсвера.