Выйшаў на волю бард Андрэй Мельнікаў

Вядомага музыку затрымалі 10 дзён таму.

Вядомы беларускі бард Андрэй Мельнікаў адбыў 10 дзён адміністрацыйнага арышту ў ізалятары Менскага раёна на вуліцы Скарыны ў Менску і выйшаў на волю, паведамляе «Новы час».

Андрэя Мельнікава затрымалі 10 дзён таму, калі ён прыйшоў па выкліку да ўчастковага. На барда склалі пратакол за распаўсюд «экстрэмісцкіх матэрыялаў» у сацсетцы «Одноклассники».