Паніка ў Маскве: каля горада ставяць блок-пасты праз уцёклых «мобікаў»

Вайскоўцы выскачылі з эшалона ў Варонежскай вобласці і едуць у сталіцу РФ

Шасцёра расейскіх мабілізаваных уцяклі з вайсковага эшалона у Варонежскай вобласці. Праз уцёклых узмацняюць пасты патрульнай службы у Маскве і наваколлі.

Як паведамляе расейскі тэлеграм-канал «База», «мобікі» выйшлі з цягніка ў Варонежы без дазволу камандавання. Дзе яны цяпер - невядома.

Арыентацыю на ўцекачоў адправілі ў абласныя аддзяленні паліцыі. Сярод уцекачоў:

Дзмітрый К., 26 гадоў;

Аляксей Т., 31 год;

Юры м., 31 год;

Міхаіл С., 33 гады;

Міхаіл Ш., 22 гады;

Андрэй Н., 35 гадоў.

Вядома, што частка "мобікаў" маглі выехаць у бок Масквы на белай таксоўцы "Фольксваген Пола".