Як ЗША збілі кітайскі шар-шпіён: дэталі аперацыі

Былі задзейнічаныя знішчальнікі F-22, узнятыя з базы ў штаце Вірджынія.

У Злучаных Штатах раскрылі дэталі аперацыі па знішчэнні кітайскага паветранага шара, які ўважаецца за шпіёна.

Пра гэта паведамляе CNN.

Са слоў прадстаўніка амерыканскага абароннага міністэрства, былі задзейнічаныя знішчальнікі F-22, узнятыя з базы ВПС у штаце Вірджынія.

«Вайскоўцы ЗША збілі кітайскі аэрастат над Атлантычным акіянам з дапамогай ракеты AIM-9X», – пішуць СМІ.

Журналісты ўказалі, што па цэлі выпусцілі толькі адну ракету.

Як паведамляў сайт Charter97.org, на днях амерыканскія вайскоўцы выявілі ў паўночнай частцы Злучаных Штатаў выведвальны паветраны шар.

У сваю чаргу МЗС Кітая заявіла, што паветраны шар прыляцеў з іх тэрыторыі, аднак не выкарыстоўваўся для выведкі.

Дзяржсакратар Энтані Блінкен заявіў, што пралёт кітайскага аэрастата над тэрыторыяй ЗША з'яўляецца парушэннем суверэнітэту краіны і міжнароднага права і перанёс свой візіт у Кітай.