Акуліст расказаў, якая дыета паляпшае зрок

Лекар пералічыў самыя карысныя прадукты.

Афтальмалагічны хірург Шафік Рэхман мяркуе, што для здароўя вачэй важна есці рознакаляровыя прадукты, трэба прытрымлівацца так званай «дыеты святлафора», піша express.co.uk. У чым яе сутнасць?

«Чым ярчэйшы напой ці талерка з ежай, тым лепш для здароўя вачэй», – так коратка тлумачыць сутнасць гэтай дыеты лекар.

Напрыклад, з чырвоных прадуктаў для паляпшэння зроку можна выбраць чырвоныя ягады, памідоры, чырвоны перац, чырвонае мяса, якое ў сярэдняй колькасці змяшчае цынк, ласось.

У гэтых прадуктах шмат вітаміну С, які мае антыаксідантныя ўласцівасці, які «дапамагае прадухіліць або адтэрмінаваць катаракту і ўзроставую дэгенерацыю жоўтай плямы «УМД) вачэй».

Узроставая макулярная дэгенерацыя УМД або ўзроставая макулярная дэгенерацыя з’яўляецца ў людзей ва ўзросце ад 50 да 60 гадоў. Першым сімптомам хваробы часта з'яўляецца размытая ці скажоная вобласць вашага зроку.

Сімптомамі УМД могуць быць:

- успрыманне прамых ліній хвалістымі ці крывымі,

- калі аб'екты выглядаюць меншымі за звычайныя,

- колеры здаюцца менш яркімі, чым раней,

- бачанне рэчаў, якіх няма (галюцынацыі).

З аранжавых і жоўтых прадуктаў для глядзельнай дыеты падыдуць апельсіны, грэйпфруты, лімоны, морква, абрыкосы, дыні, салодкая бульба. Гэтыя прадукты змяшчапюць не толькі вітамін С, але і бэта-карацін, які паляпшае зрок.

Зялёныя прадукты - капуста, разнастайныя салаты, якія змяшчаюць зэаксанцін і лютэін, дапамагаюць палепшыць стан пры узроставай дэгенерацыі жоўтай плямы і запаволіць яго прагрэсаванне.