Украінскі футбаліст Мудрык перайшоў у «Чэлсі»
1- 15.01.2023, 17:53
- 6,834
Самы дарагі трансфер у гісторыі ўкраінскага футбола.
22-гадовы паўабаронца данецкага «Шахцёра» Міхаіл Мудрык стаў гульцом лонданскага ФК «Чэлсі».
У гэтым сезоне Мудрык згуляў у складзе «Шахцёра» ў 18 матчах, забіўшы 10 мячоў і аддаўшы восем дзейсных перадач.
«Чэлсі», куды перайшоў украінскі футбаліст, займае дзясятае месца ў Англійскай прэм'ер-лізе.
Паводле інфармацыі журналіста Фабрыцыё Рамана, трансфер Мудрыка каштавацьме лонданскаму клубу 100 мільёнаў еўраў. Іншы спартовы журналіст Дэвід Арнштэйн заявіў, што «Чэлсі» гарантавана заплаціць 70 млн еўраў, а яшчэ 30 мільёнаў «Шахцёр» можа атрымаць у выглядзе бонусаў.
ФК «Шахцёр» ужо афіцыйна пацвердзіў інфармацыю Арншэйна.
Трансфер Мудрыка - самы дарагі ў гісторыі ўкраінскага футбола. Для параўнання, «Чэлсі» ў 2006 годзе аддаў 43,8 млн еўраў за Андрэя Шаўчэнку, а Аляксандр Зінчанка перайшоў з «Ман Сіці» ў «Арсенал» прыкладна за 35 млн еўраў.