У Польшчы адкрылі газаправод Baltic Pipe
10- 27.09.2022, 21:30
- 8,360
Эпоха расейскага дамінавання ў газавай сферы падыходзіць да канца.
У Польшчы ў горадзе Галенеў адкрылі газаправод Baltic Pipe. Па ім будзе пастаўляцца праз Данію газ з Нарвегіі – 10 млрд кубаметраў штогод.
«Эпоха расейскага дамінавання ў газавай сферы падыходзіць да канца, эпоха, адзначаная шантажом, пагрозамі і вымагальніцтвам», – цытуе словы польскага прэм'ер-міністра Матэвуша Маравецкага pap.pl.
Baltic Pipe злучыў газаправодам Польшчу і Данію. Таму ў мерапрыемстве ўдзельнічала прэм'ер-міністарка гэтай краіны Мэтэ Фрэдэрыксэн.
Чакаецца, што газ з Нарвегіі пачне пастаўляцца ў Польшчу і суседнія краіны з пачатку кастрычніка, а да зімы газаправод пачне працаваць на поўную магутнасць.