Тэхагляд па-новаму: публічная дамова і пакой чакання для кліентаў

Беларускія аўтаўладальнікі сутыкнуліся з чарговымі новаўвядзеннямі.

15 верасня беларускі саўмін выдаў пастанову №612 «Аб наданні паслуг па правядзенні дзяржаўнага тэхнічнага агляду транспартных сродкаў». Змен у сферы шмат, хоць радыкальна новага не. Abw.by тлумачыць, што да чаго.

Патрабаванняў стане больш

Раней дазволам на допуск да ўдзелу ў дарожным руху называўся дакумент, які пацвярджаў адпаведнасць аўтамабіля патрабаванням тэхнічных нарматыўных прававых актаў. У новым дакуменце гэтае азначэнне пашыранае. Цяпер транспарт павінен адпавядаць яшчэ і патрабаванням тэхнічных рэгламентаў Мытнага саюза і Еўразійскага эканамічнага саюза. Адкрыўшы гэтыя дакументы і пералічыўшы толькі колькасць старонак, можна схапіцца за галаву - іх сотні, што ўжо казаць аб патрабаваннях...

Дамова: падпісваць не трэба, але яна ёсць

Цяпер тэхагляд праводзяць на падставе публічнай дамовы. Тлумачым: вы прыехалі, азнаёміліся з умовамі, захацелі прайсці лінію менавіта тут - мяркуйце, што дамова ўкладзеная. Пры гэтым ніякіх дадатковых папер падпісваць не трэба.

Артыкул 396 Грамадзянскага кодэкса. Публічная дамова

1. Публічнай прызнаецца дамова, укладзеная камерцыйнай арганізацыяй і ўстанаўлівае яе абавязкі па продажы тавараў, выкананні работ або наданні паслуг, якія такая арганізацыя па характары сваёй дзейнасці павінна ажыццяўляць у дачыненні да кожнага, хто да яе звернецца (раздробны гандаль, перавозка транспартам агульнага карыстання, паслугі сувязі, энэргазабеспячэнне, медыцынскае, гатэльнае абслугоўванне, абавязковае страхаванне і да т.п.).

Пасля праходжання тэхагляду цяпер на рукі будуць выдаваць не толькі дыягнастычную карту, але і акт здачы-прыёмкі нададзеных паслуг, бо існуе ўкладзеная дамова. Гэтыя новаўвядзенні набылі моц з 22 верасня.

Пасля ўкладання публічнай дамовы транспартны сродак транспартуецца на пляцоўку дыягностыкі ў чыстым выглядзе, без дэкаратыўных каўпакоў, з патрабаванай колькасцю тэхнічных вадкасцяў і прагрэтым да працоўнай тэмпературы рухавіком. Работніку дыягнастычнай станцыі трэба паказаць:

- пасведчанне кіроўцы адпаведнай катэгорыі;

- пасведчанне аб рэгістрацыі транспартнага сродку.

Дыягнастычныя станцыі: асцярожна, размова запісваецца

Яшчэ адзін «падарунак» ад саўміна - пастанова №79 «Аб патрабаваннях да дыягнастычных станцый», якой з мінулага чацвярга ўведзены адпаведны раздзел. Дакумент прызначаны больш для супрацоўнікаў дыягнастычных станцый, таму адзначым асноўныя моманты, якія закранаюць інтарэсы менавіта аўтаўладальнікаў.

Напрыклад, з гэтага часу дыягнастычная станцыя абавязаная забяспечыць разлікі праз АРІП, а таксама папярэдні запіс праз інтэрнет. Абавязкова павінен быць пакой чакання для кліентаў, прычым яго не трэба блытаць з памяшканнем, дзе выдаюць дазволы, і вытворчымі памяшканнямі. А яшчэ будзьце асцярожныя - размовы афіцыйна запісваюцца.