29 сакавiка 2024, Пятніца, 18:32
Падтрымайце
сайт
Сім сім,
Хартыя 97!
Рубрыкі

Як вялікі князь Альгерд уціхамірыў маскоўскага ўладара

Як вялікі князь Альгерд уціхамірыў маскоўскага ўладара

Аб бітве на рацэ Траене.

Малады маскоўскі князь Дзмітрый Іванавіч, маючы падтрымку маскоўскіх баяр і паўночна-ўсходніх земляў, быў незадаволены хаўрусам Вялікага княства Літоўскага з Цвярскім княствам і пагражаў вайной вялікаму князю літоўскаму Альгерду, піша vklby.com.

У мэтах уціхамірвання маскоўскага князя Альгерд хутка арганізаваў вайсковую выправу на Маскву. Выкарыстоўваючы сваю ўпадабаную тактыку ён, хаваючы свае намеры, і ведучы свае войскі як мага менш прыкметна, выйшаў да маскоўскіх земляў не з боку Цвярскога княства, якое знаходзілася на паўночным захадзе ад Масквы, а з паўднёвага захаду, што было вялікай неспадзяванкай для маскоўскага князя Дзмітрыя.

Падыходзячы да Масквы, Альгерд знішчыў разрозненыя загоны маскоўскай раці, дзе разам са сваімі палкамі загінулі князі Канстанцін Абаленскі і Сямён Старадубскі.

Галоўная бітва паміж войскамі Альгерда і Дзмітрыя Іванавіча адбылася 21 лістапада 1368 года, на рацэ Траене, прытоку Рузы. Цалкам разбіўшы палкі Маскоўскага княства, Альгерд падступіў да Масквы, дзе за крамлёўскімі мурамі, у страху за сябе, схаваўся Дзмітрый Іванавіч, чакаючы штурму места.

Альгерд не стаў браць Маскву, магчыма, ён наважыў паберагчы сілы і сваіх жаўнераў, ведаючы, што зімовыя маразы вось-вось надыдуць, а працяглая аблога будзе вельмі цяжкай і можа скончыцца поўным крахам, але, мабыць, ён не стаў захопліваць места, бо Масква плаціла даніну Залатой Ардзе, з якой Альгерд не хацеў пачынаць небяспечнай для яго вайны.

Разрабаваўшы за тры дні прадмесце Масквы і наваколлі, Альгерд з вялікай здабычай павёў свае войскі назад у Літву, але ўжо іншай дарогай.

Напісаць каментар

Таксама сачыце за акаўнтамі Charter97.org у сацыяльных сетках