Аналітык: Да канца года беларускі рубель можа пайсці ўніз
1- 21.09.2022, 10:39
- 3,354
Еўра і даляр вырастуць.
Існуе рызыка, што бліжэй да канца года тэндэнцыя апошніх трох месяцаў ва ўмацаванні беларускага рубля можа змяніцца. Пра гэта «Белорусы и рынок» заявіў фінансавы аналітык Вадзім Ёсуб:
- З высокай імавернасцю да канца года беларускі рубель можа пачаць зніжэнне, але падкрэсліваю, што гэта не падзенне ў разы і наўрад ці нават падзенне на дзясяткі адсоткаў. Гэта значыць, цяперашняе плаўнае ўмацаванне беларускага рубля можа змяніцца на яго такое ж плаўнае зніжэнне.
Што да сусветных рынкаў, то самым імаверным сцэнаром Ёсуб бачыць рост даляра і плаўнае зніжэнне расейскага рубля.
- Таму, калі мы вяртаемся да беларускага рубля, то цалкам магчымы сцэнар - гэта рост курсу даляра да беларускага, рост курсу еўра да яго ж і больш-менш стабільны курс расейскай валюты да беларускай, - адзначае Ёсуб.