У Менску жаўнер тэрміновай службы ў войску атрымаў агнястрэльную траўму галавы

Цяпер ён знаходзіцца ў рэанімацыі.

Паводле папярэдніх звестак, увечары 19 верасня паступіла паведамленне аб агнястрэльным траўмаванні, пры нясенні службы, 19-гадовага вайскоўца вайсковай часткі 3214, паведамляе СК.

Паводле неправеранай інфармацыі, стрэл зрабіў ён сам з аўтамата Калашнікава.

Цяпер маладзён знаходзіцца ў рэанімацыі, за ягонае жыццё змагаюцца лекары.

Стрэл не стаў смяротным, але сітуацыя страшная: куля знесла лабавую косць жаўнера, агаліўшы мозг.

В/ч 3214 брала актыўны ўдзел у падаўленні грамадства. Яе службоўцы былі задзейнічаныя ў фальсіфікацыі выбараў, а пасля ў масавых рэпрэсіях.