У Менску на слізкай дарозе аўтамабіль развярнула на 180 градусаў

«Кашмар любога кіроўцы» патрапіў на відэа.

Нават нямоцны дождж часам можа стварыць праблему. Так адбылося ўчора ўвечары на праспекце Дзяржынскага: аўтамабіль развярнула на 180 градусаў, калі кіроўца гэтага зусім не чакаў.

Усё адбылося каля статуі зубра ў Малінаўцы. Вуліца была мокрая, і кіроўца аўто ззаду спрабаваў зрабіць манеўр паміж мной і аўтамабілем наперадзе. Хацеў зрабіць апярэджанне, але праз слізкую дарогу не атрымалася, - распавёў відавочца. - Пашанцавала, што я хутка зрэагаваў і не было сутыкнення са мной».

З ягоных слоў, выглядае, што ніхто не пацярпеў, на месца здарэння выклікалі ДАІ.

Як паведаміла карэспандэнту onlíner.by старшая інспектарка ДАІ Маскоўскага раёна Любоў Трапашка, учора а 23:30 дзяўчына 1995 года нараджэння на аўтамабілі Subaru рухалася па праспекце Дзяржынскага з боку праспекта Любімава ў напрамку вуліцы Касманаўтаў. Паводле папярэдняй інфармацыі, яна не справілася з кіраваннем, не выбрала бяспечную хуткасць з улікам умоў надвор'я. У выніку пашкоджанымі былі агароджа і бардзюрны камень. Ні кіроўца, ні двое пасажыраў, якія знаходзіліся ў аўто, не пацярпелі.

У Дзяржаўтаінспекцыі дадалі, што ў дачыненні да кіроўцы складзены адміністрацыйны пратакол.