У Беларусі ўзмацняюцца дзве праблемы ў гандлі

Беларусам не да пакупак.

У Беларусі прадаўжае паскарацца падзенне раздробнага тавараабароту. У студзені-жніўні ён скараціўся на 2 працэнты да аналагічнага перыяду летась. Гэта вынікае са звестак Белстата. Месяцам раней падзенне было на ўзроўні 1,5%. Пры гэтым у пакупнікоў расце сярэдні чэк, гэта значыць на тавары даводзіцца выдаткоўваць больш грошай.

Раздробны тавараабарот за восем месяцаў гэтага года склаў 44 млрд. рублёў. Гэта на 2% менш у супастаўных коштах, чым за аналагічны леташні перыяд. Падзенне гэтага паказчыка адбываецца на фоне рэкорднай гадавой інфляцыі і зніжэння рэальных даходаў насельніцтва.

Пры гэтым працягваюць расці выдаткі беларусаў у крамах, ГЦ і на рынках. Аднадзённы раздробны тавараабарот у разліку на душу насельніцтва з пачатку года склаў 19,5 рубля. Годам раней гэты паказчык быў на ўзроўні 17,1 рубля.

Тавараабарот грамадскага харчавання ў студзені-жніўні быў у плюсе, ён дадаў на 1,1 працэнта ў супастаўных цэнах да аналагічнага перыяду летась.