У Беларусі пагоршылася сітуацыя ў прамысловасці

Гэта прызнала нават афіцыйная статыстыка.

Вытворчасць у прамысловасці ў студзені-жніўні ўпала на 6,6 адсотка да аналагічнага перыяду мінулага года. Як піша zerkalo.io, гэта вынікае са звестак Белстата. Месяцам раней падзенне было на ўзроўні 6,2%.

За восем месяцаў аб'ём прамысловай вытворчасці ў існых коштах склаў 109 млрд рублёў. Гэта на 6,6% менш у супастаўных коштах, чым годам раней.

Так, апрацоўчая прамысловасць упала ў студзені-жніўні на 7,5 адсотка да аналагічнага перыяду мінулага года, а арганізацыі, якія займаюцца забеспячэннем электраэнэргіяй, газам, парай, гарачай вадой і кандыцыянаваным паветрам аселі за гэты ж перыяд на 2,1 адсотка. Пры гэтым горназдабыўная прамысловасць апынулася ў плюсе на 2,2 адсотка.