У Беларусі спусціліся імпарт і экспарт тавараў

Гэта адбываецца на фоне санкцый Захаду супраць рэжыму.

У Беларусі за студзень-ліпень спусціўся як імпарт тавараў, так і экспарт, вынікае са звестак Белстата. Пры гэтым першы паказчык скараціўся больш прыкметна, чым другі.

У студзені-ліпені замежнагандлёвае абарачэнне тавараў Беларусі склала 40 млрд 518,6 млн даляраў: экспарт — 20 млрд 354,1 млн даляраў, а імпарт — 20 млрд 164,5 млн даляраў.

Абарот замежнага гандлю ў студзені-ліпені ўпаў на 6,7% да аналагічнага перыяду мінулага года. Так, экспарт упаў на 3,5%, а імпарт - на 9,7%.

Нагадаем, пасля пачатку вайны ва Украіне спыніўся экспарт і імпарт паміж Менскам і Кіевам. Таксама заходнія краіны ўвялі санкцыі супраць Беларусі, што адбілася на замежным гандлі.