Ілан Маск дамовіўся аб падлучэнні спадарожнікавага інтэрнэту Starlink да сеткі найбуйнейшага мабільнага аператара ЗША

СМІ паведамляюць аб «мабільнай рэвалюцыі».

Ілан Маск дамовіўся аб падключэнні спадарожнікавага інтэрнэту Starlink да сеткі найбуйнейшага мабільнага аператара ЗША. Аб планах супрацоўніцтва з кампаніяй мабільнай сувязі T-Mobile US Inc. (TMUS) Ілан Маск паведаміў у чацвер, перадае nv.ua.

Прапанова будзе працаваць у тых рэгіёнах ЗША, дзе пакуль няма ўстойлівай сувязі. Яна можа замяніць класічныя вышкі, а значыць, зэканоміць TMUS сродкі на будаўніцтва.

Падключэнне непасрэдна да спадарожніка дапаможа наладзіць сувязь з аддаленымі тэрыторыямі, што важна ў крытычных сітуацыях.

Паведамляецца, што поўнасцю пераходзіць на спадарожнікавае падключэнне мабільны аператар не плануе, абедзе прапановы будуць функцыянаваць адначасова.

Падключэнне адбудзецца пасля таго, як будзе запушчана наступнае пакаленне спадарожнікаў. Апошнія будуць мець большыя, чым у папярэднікаў, антэны.

Ніякіх нязручнасцяў карыстальнікам гэта не прынясе. «Важна тое, што вам не трэба будзе купляць новы тэлефон, – кажа Маск. - Тэлефон, які ў вас ёсць зараз, будзе працаваць».

Нядаўна стала вядома, што кампанія Ілана Маска знізіла кошты на спадарожнікавы інтэрнэт ад Starlink у цэлым шэрагу краін. Для Украіны зніжка склала блізу 40%.

На такую пастанову яна пайшла ў адказ на «кан'юнктуру мясцовага рынку".