УСУ павінны вывесці Лукашэнку з вайны

Беларусь - гэта пытанне бяспекі Еўропы.

Украінскі палітык і дыпламат, былы амбасадар Украіны ў Беларусі Раман Бяссмертны ў калонцы для выдання «Новое время» выказаў меркаванне, што вывесці з вайны Лукашэнку — прыярытэтная задача УСУ:

- Крым і Беларусь - гэта два плацдармы з пункту гледжання ваенна-тактычнай пастаноўкі задачы. І гэтыя плацдармы аб'ядноўвае толькі адно - іх аб'ектам атакі, у залежнасці ад той ці іншай сітуацыі, вызначаная Украіна. Ва ўсім астатнім яны разыходзяцца па задачах. Таму што для плацдарму ў Беларусі аб'ект атакі - гэта англа-саксонскі рэгіён, скандынаўскі рэгіён, Паўночная Еўропа, а для плацдарму ў Крыме - Балканы, Паўднёвая Еўропа, Міжземнамор'е. Тактычная мэта абодвух плацдармаў - Украіна. У залежнасці ад таго, якая будзе абірацца тактыка, будзе вызначаны час і момант нападу.

І з майго пункту гледжання, пазіцыя, што, маўляў, спачатку трэба выйсці на паўночна-ўсходнюю мяжу, а пасля развязваць пытанне з Беларуссю, — зусім памылковая. Паколькі Крым і Беларусь як плацдармы, з украінскага боку павінны мець тоесную адзнаку. І для таго, каб аблегчыць спосабы, метады паразы Крамля, трэба паставіць кропку па Крыме і па Беларусі.

Тое, як цяпер развіваецца сітуацыя вакол Крыма, толькі пацвярджае правільнасць гэтай пазіцыі. Звярніце ўвагу, як дыяметральна супрацьлегла цяпер трактуецца роля Крыма і Беларусі. І гэта толькі пасля таго, калі па Крыме нанесеныя выпрабавальныя ўдары. Я адказваю за тое, што цяпер сказаў.

Да гэтых аргументаў можна дадаць яшчэ і тое, што фігуры Сяргея Аксёнава і Аляксандра Лукашэнкі тоесныя: схемы працы, задачы, тактыка і таму падобнае. Насамрэч, Беларусь на сёння знаходзіцца фактычна ў тоесным Крыму статусе. Фармальна яна як дзяржава, якая знаходзіцца ў стане вайны з Украінай з гледзішча міжнароднага права. Таму Украіна мае права ў дачыненні да Беларусі дзейнічаць так, як дзейнічае ў Крыме - наносіць удары па месцах, аэрадромах, якія цяпер выкарыстоўваюцца як вайсковыя аб'екты інфраструктуры для атакі па цэлях ва Украіне.

Дарэчы, тут ёсць адна рэч, якая прымушае задумацца аб тым, што мы часам маем на ўвазе пад паняццем «сучасная вайна». Звярніце ўвагу, што з Беларуссю ва Украіны адсутнічае лінія фронту - традыцыйная - з акопамі. Выкарыстоўваюцца сучасныя тыпы ўзбраення - ракетныя комплексы, сістэмы СПА і гэтак далей. І гэта тая рэч, якая сведчыць аб спосабе нанясення ўдараў з гэтай пляцоўкі. Гэта азначае, што ў тым ліку, і Скандынаўскім дзяржавам і Паўночнай Еўропе варта разумець: гэты спосаб нападу будзе ўжывацца і ў дачыненні да іх.

Выбачайце, што так сцвярджальна кажу, бо я пры цяперашнім чуханні галавы ўсімі тымі, хто думае, што гэтая вайна скончыцца дуэллю Расеі і Украіны, і што Украіна неўзабаве паставіць кропку ў гэтай гісторыі, скажу - яны памыляюцца. Расцяжэнне падчас гэтай вайны адначасова прывядзе да таго, што яна адназначна перарасце ў рэгіянальную, а затым у кантынентальную і глабальную.

З пункту гледжання існай сітуацыі ўдары па пунктах у Беларусі, адкуль ідуць атакі па Украіне, гэта будзе адказам на агрэсію. Гэта выведзе Беларусь з вайны.

Украінскі дыпламат мяркуе, што беларусы пачалі здзяйсняць правільныя дзеянні па фармаванні будучых узброеных сіл:

- І тут трэба толькі сінхранізаваць, каб вайсковыя, ваенныя дзеянні і палітычныя дзеянні супадалі. Гэта ўжо клопат еўрапейскай супольнасці. На першым этапе над гэтым мусяць працаваць Украіна, Польшча, Літва. А надалей гэтым павінна займацца еўрапейская супольнасць. Таму што гэта справа Еўропы – еўрапейская будучыня Беларусі. І гэта справа NATO. Таму што Беларусь - гэта пытанне бяспекі Еўропы.

Відавочна, што гэтыя два плацдармы - і Крым, і Беларусь, з пункту гледжання вайскова-тактычнага інструменту маюць тоесную функцыю. Таму не развязаўшы гэтыя два пытанні, адназначна свет ідзе да разрастання гэтай вайны - у рэгіянальную, а затым і ў кантынентальную.

Мяркуючы па тым, што зробленае ў Крыме, у нашым вайскова-палітычным кіраўніцтве ёсць людзі, якія разумеюць, што ў Беларусі такое ж прызначэнне. Іншая справа - гэта рэчы, якія павінны, з майго пункту гледжання, праходзіць і вайскова-тэхнічная, і палітычная прапрацоўка ў фармаце «Рамштайн». Бо тут важная сінхранізацыя дзеянняў і ўдзельнікаў. У тым ліку і праз такі фармат данясення гэтых рэчаў, пра якія я гавару ў гэтай калонцы.