На YouTube з'явілася новая функцыя
12- 23.08.2022, 21:09
- 11,492
Хто і як можа ёю скарыстацца.
YouTube ўводзіць у дзеянне раздзел з падкастамі. Новы сэрвіс складзе канкурэнцыю Spotify і Apple Podcasts.
Пра гэта паведамляе The Verge.
Раздзел з падкастамі дэбютаваў на сайце відэагостынгу ў канцы ліпеня і ўсё яшчэ знаходзіцца ў працэсе бэта-тэставання. Доступ да яго можна атрымаць толькі ў ЗША на адрасе youtube.com/podcasts, або праз пошук. У новым раздзеле прадстаўленыя падкасты папулярных шоў і каналаў. Нягледзячы на прастэчу інтэрфэйсу, аналітыкі прагназуюць новаму функцыяналу сайту вялікую папулярнасць.
Паводле даследавання Interactive Advertising Bureau, летась сусветная індустрыя падкастаў згенеравала 1 мільярд даляраў прыбытку. Сам жа сэрвіс відэагостынгу YouTube прынёс сваёй матчынай кампаніі 28 млрд даляраў.