29 сакавiка 2024, Пятніца, 17:22
Падтрымайце
сайт
Сім сім,
Хартыя 97!
Рубрыкі

Попыт на прадукцыю сталічнага «Мотавелазавода» зменшыўся на траціну, але яго прадоўжаць «мадэрнізаваць»

14
Попыт на прадукцыю сталічнага «Мотавелазавода» зменшыўся на траціну, але яго прадоўжаць «мадэрнізаваць»

Лукашысты пацярпелі чарговы правал.

Кіраўнік ТАА «Менскі МотаВелаЗавод» Мікалай Ладуцька распавёў аб правядзенні цяпер «мадэрнізацыі» прадпрыемства. З ягоных слоў, цяпер вядзецца рэканструкцыя карпусоў, а ў сакавіку наступнага года павінны пачацца работы ў частцы вытворчых магутнасцей, якія плануюць скончыць да канца 2023 года - тады скончыцца мантаж тэхналагічнага абсталявання, піша myfin.by.

Да гэтага моманту ў зборачным цэху прадпрыемства будуць створаныя тры дадатковыя лініі. Таксама на заводзе павінен з'явіцца змадэляваны айчыннымі спецыялістамі найноўшы фарбавальны комплекс - як паведаміў Ладуцька, большасць вытворчых агрэгатаў для яго будуць пастаўленыя з КНР.

Пры гэтым плошча завода павінна зменшыцца ў дзесяць разоў (да 20 тысяч кв. м), агулам жа ўвесь план мадэрнізацыі прадпрыемства разлічаны да 2026 года.

У размове аб існых тэндэнцыях на рынку Мікалай Ладуцька адзначыў падзенне цікавасці да прадукцыі сталічнага «Мотавелазавода» як у Беларусі, так і за мяжой.

«Сёлета мы адчулі змену кан'юнктуры і зніжэнне спажывецкага попыту як унутры Беларусі, так і на тых тэрыторыях, куды мы прадаём прадукцыю. У Расейскай Федэрацыі фізічны попыт знізіўся на 30%, у Беларусі - таксама зніжэнне фізічных продажаў», - заявіў кіраўнік.

Таксама дырэктар завода звярнуў увагу на павелічэнне на расейскім і беларускім рынках кантрафактных ровараў - па большай частцы кітайскай вытворчасці.

Мікалай Ладуцька, які быў да лістапада 2014 года кіраўніком Менгарвыканкама, стаў кіраўніком ААТ «Мотавела» ў сярэдзіне 2015 года, калі ўлады ўвялі на прадпрыемстве, якое належала аўстрыйскаму ATEC Holding, вонкавае кіраванне. У красавіку 2018 года ААТ «Мотавела» было прызнанае банкрутам. З гэтага моманту вытворчасць ажыццяўляе іншая юрыдычная асоба - ТАА «МотаВелаЗавод».

Напісаць каментар 14

Таксама сачыце за акаўнтамі Charter97.org у сацыяльных сетках