Палітвязня Емяльянава зноў адправілі ў штрафны ізалятар
5- 14.08.2022, 21:02
- 3,474
Акрамя таго, у яго канфіскавалі 22 кнігі, машынку для стрыжкі і згушчонку.
Палітвязня Мікіту Емяльянава зноў змясцілі ў штрафны ізалятар на 7 дзён, паведамляе праваабарончы цэнтр «Вясна». Афіцыйная прычына невядомая.
У ваўкавыскую калонію №11 Емяльянава перавялі 13 чэрвеня, а пасля на 18 дзён таксама змясцілі ў штрафны ізалятар. Акрамя таго, у яго канфіскавалі 22 кнігі, машынку для стрыжкі і згушчонку.
Анархісты Мікіта Емяльянаў і Іван Камар 12 лютага 2020 года былі асуджаныя на 7 гадоў пазбаўлення волі ў калоніі ўзмоцненага рэжыму кожны. Іх прызналі вінаватымі ў пашкоджанні маёмасці і незаконных дзеяннях з гаручымі рэчывамі ў групе паводле папярэдняй змовы. Гаворка ідзе пра дзве акцыі: у будынак суда кінулі лямпачку з фарбай, а ў будынак СІЗА — бутэльку з запальнай сумессю, якая ў выніку не загарэлася.