Польшча спыніць выдачы віз расейцам
37- 14.08.2022, 15:46
- 13,722
Таксама Варшава выступае за агульнаеўрапейскую забарону.
У Польшчы хутка прымуць рашэнне аб спыненні выдачы віз грамадзянам Расеі. Пра гэта заявіў намеснік міністра замежных спраў Польшчы Пётр Ваўжык, паведамляе visegrad24.
Такім чынам, краіна далучылася да Фінляндыі, Эстоніі, Латвіі і Даніі, якія спрабуюць увесці агульнаеўрапейскую забарону на выдачу турыстычных віз для расейцаў.
Ваўжык таксама зазначыў, што не ўсе краіны Еўразвязу на гэта згодныя.
«Супраць гэтага выступаюць буйныя краіны-сябры, уключаючы Нямеччыну, Францыю і Нідэрланды. У сувязі з тым, што немагчыма пераадолець супраціў гэтых краін аб прыпыненні дзеяння пагаднення аб спрашчэнні візавага руху для грамадзян РФ, Польшча працуе над новым рашэннем», - сказаў ён.
Ён таксама заявіў, што Польшча ўжо некалькі месяцаў выдае візы толькі тым расейцам, якія былі вымушаны перасякаць мяжу праз працу - кіроўцам грузавікоў, дыпламатам, а таксама асобам з картай паляка і сямейнікаў грамадзян Польшчы і іншых краін ЕЗ.