У Ерэване ў гандлёвым цэнтры «Сурмалу» прагрымеў магутны выбух

Адзін чалавек загінуў, 20 паранены.

На тэрыторыі гандлёвага цэнтра «Сурмалу» ў Ерэване, як мяркуецца, гарыць склад феерверкаў і салютаў, паведамляе агенцтва «Навіны-Арменіі». Паводле папярэдніх звестак, загінуў 1 чалавек, яшчэ 20 паранены.

Відэа пажару з сацсетак размясціў тэлеграм-канал выдання «КоммерсантЪ».

Выбух прагрымеў у адным з будынкаў аптова-раздробнага рынку «Сурмалу» менш за гадзіну таму, амаль 12.30 паводле менскага часу. Пасля яго пачаўся пажар. На месцы працуе амаль 20 пажарных разлікаў.

Каля гандлёвага цэнтра моцнае задымленне на вялікай тэрыторыі, жыхары найбліжэйшых дамоў трымаюць вокны зачыненымі праз густы дым.