Украінская авіяцыя нанесла 10 групавых удараў па акупантах
5- 14.08.2022, 12:39
- 8,492
Расейцы панеслі вялізныя страты ў жывой сіле і тэхніцы.
Украінская авіяцыя за мінулыя дні нанесла да дзесяці групавых удараў па расейскіх войсках. Знішчана амаль 15 ББМ ворага і дзясяткі акупантаў.
Пра гэта паведамляе прэс-цэнтр Паветраных сіл УСУ.
«На працягу дня, 13 жніўня, на некалькіх аператыўных кірунках ударная авіяцыя Паветраных Сіл Узброеных Сіл Украіны нанесла да дзесяці групавых авіяўдараў па пазіцыях акупацыйных войскаў!» - гаворыцца ў паведамленні.
Паводле звестак Паветраных сіл, пад прыкрыццём знішчальнай авіяцыі, штурмавікі Су-25 і бамбавікі Су-24м нанеслі ўдары па ўзводных і ротных апорных пунктах, танкавых калонах на маршы, пазіцыях рэактыўных сістэм залпавага агню, пераправах і згрувашчванні жывой сілы і тэхнікі.
«Знішчана амаль пятнаццаць баявых браніраваных машын ворага і дзясяткі рашыстаў!» - паведамляюць у прэс-цэнтры.
Нагадаем, што ўкраінскія байцы на Данбасе знішчылі тры БМП ворага і 25 акупантаў і абнародавалі кадры ўдараў.