Зяленскі правёў тэлефонную размову з Папам Рымскім

Гэта другое тэлефанаванне з пачатку паўнамаштабнага ўварвання Расеі.

Прэзідэнт Украіны Уладзімір Зяленскі правёў тэлефонную размову з Папам Рымскім Францішкам. Гэта другое тэлефанаванне з пачатку паўнамаштабнага ўварвання Расеі.

Аб гэтым ён паведаміў у Twitter.

«Правеў размову з пантыфікам. Паінфармаваў аб агрэсіі, якую РФ чыніць супраць Украіны, аб страшных злачынствах Расеі. Мы ўдзячныя пантыфіку за малітвы за Украіну. Наш народ мае патрэбу ў падтрымцы сусветных духоўных лідэраў, якія маюць даносіць да свету праўду аб жахах, якія агрэсар чыніць ва Украіне», - адзначыў Зяленскі.

Адзначым, у сакавіку ўкраінскі прэзідэнт у тэлефоннай размове запрасіў Папу Рымскага наведаць краіну.