Беларускія цыгарэты везлі ў Польшчу пад выглядам вугалю
5- 11.08.2022, 20:09
- 4,872
Фотафакт.
Польскія мытнікі перахапілі беларускія цыгарэты на літоўска-польскай мяжы.
Грузавы аўтамабіль, які ехаў з Літвы, спынілі ў раёне Будзіскі. У дакументах было пазначана, што ў аўтамабілі перавозіцца вугаль, але за мяшкамі з вугалем мытнікі знайшлі мяшкі з цыгарэтамі.
Было канфіскавана 170 тысяч пачкаў цыгарэт. Іх кошт ацэньваецца на 2,5 млн злотых (больш за 550 тысяч даляраў). Калі б тавар патрапіў на рынак, бюджэт Польшчы страціў бы 883 тысячы даляраў, паведамляе польская мытня.