У пятніцу ў Беларусі чакаецца да +30°C
- 11.08.2022, 19:19
- 1,772
На поўдні краіны пройдуць навальніцы.
Сіноптыкі папярэдзілі пра навальніцы і тэмпературу да плюс 30 градусаў 12 жніўня. Пра гэта паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
У пятніцу будзе невялікая воблачнасць. У паўднёвых раёнах месцамі пройдуць кароткачасовыя дажджы і прагрымяць навальніцы. У начны і ранішні час у асобных раёнах будзе слабы туман. Вецер няўстойлівы 3–8 м/с, пры навальніцах парывы да 14 м/с.
У начны час тэмпература паветра складзе 9–15 градусаў, па поўдні – 18 градусаў. Днём паветра прагрэецца да 24–30 градусаў.