Аператыўная інфармацыя Генштаба УСУ на стан вечару 11 жніўня
1- 11.08.2022, 19:12
- 3,042
УСУ адбілі штурмы акупантаў каля Мар'інкі і Пяскоў і нанеслі ім страты.
У чацвер, 11 жніўня, расейцы штурмавалі пазіцыі УСУ каля Мар'інкі і Пяскоў, але ўсе іх спробы наступу пацярпелі крах. Яны панеслі страты і адступілі.
Пра гэта паведамляе Генштаб УСУ.
На стан вечару 11 жніўня сітуацыя на франтах такая:
На Валынскім, Палескім і Северскім кірунках асаблівых зменаў не назіраецца. Вораг прадаўжае няспынныя абстрэлы цывільнай і ваеннай інфраструктуры і спрабуе праводзіць выведку з дапамогай БПЛА.
На Харкаўскім кірунку акупанты правялі абстрэл з танкаў і артылерыі ў раёнах шэрагу населеных пунктаў у паўночнай частцы вобласці.
На Славянскім кірунку зафіксаваныя абстрэлы каля населеных пунктаў і адзін авіяўдар.
На Данецкам кірунку расейцы спрабуюць прарваць абарону войскаў УСУ і заняць больш выгадныя пазіцыі для далейшага аднаўлення наступу ў кірунках гарадоў Краматорск і Бахмут. Таксама вораг праводзіць абстрэлы для таго, каб не дазволіць перакідкі ўкраінскіх вайскоўцаў на іншыя кірункі.
На Краматорскім кірунку акупанты беспаспяхова спрабавалі палепшыць тактычнае становішча непадалёк Грыгароўкі, Верхнякаменскага і Івана-Дар'еўкі.
На Бахмуцкім кірунку войскі РФ штурмавымі дзеяннямі спрабавалі прарваць абарону ўкраінскіх войскаў і рушыць наперад у кірунках Якаўлеўкі, Бахмуцкага, Зайцава, Вяршыны і Дачы, але ўкраінскія ваяры нанеслі акупантам страты і вымусілі да ўцёкаў.
На Аўдзееўскім кірунку акупанты планавалі правесці некалькі штурмаў у кірунках Мар'інкі і Пяскоў, але іх спробы пацярпелі крах, яны панеслі страты.
На Навапаўлаўскім і Запарожскім кірунках акупанты панеслі страты і адышлі пры спробе штурму ў кірунку Паўлаўкі. Зафіксаваныя абстрэлы шэрагу населеных пунктаў.
На Паўднёвабугскім кірунку расейцы спрабуюць не дапусціць прасоўвання ўкраінскіх вайскоўцаў углыб і праводзяць паветраную выведку.