Украінскія дэсантнікі спалілі БМП акупантаў з чатырохкіламетровай адлегласці

Разлік ПТРК кантраляваў дарогу паміж населенымі пунктамі на Херсоншчыне.

На паўднёвым кірунку ўкраінскія ваяры батарэі супрацьтанкавых кіраваных ракет знішчылі БМП расейскіх акупантаў.

Відэа апублікавалі на ютуб-канале Дэсантна-штурмавых войскаў УС Украіны.

Адзначаецца, што разлік пераноснага супрацьтанкавага ракетнага комплексу "Скіф" кантраляваў дарогу паміж населенымі пунктамі на Херсоншчыне. Калі на маніторы з'явілася расейская БМП, УСУ знішчылі яе на адлегласці больш за 4 км.