Удар па авіябазе ў Крыме: Расея страціла значна больш за дзевяць самалётаў
6- 11.08.2022, 8:04
- 25,242
Апублікаваны новыя звесткі камандавання Паветраных сіл Украіны і вынікі падліку экспэртаў.
Са звестак камандавання Паветраных сіл Узброеных сіл Украіны, пасля ўдару па аэрадроме каля пасёлка Новафёдараўка ў Крыме было знішчана больш за дзевяць расейскіх самалётаў.
«Спадарожнікавыя здымкі ўкраінскага вайсковага аэрадрома Сакі ў Крыме. Да і пасля «пазаштатнай сітуацыі». Як бачым, там не дзевяць, а значна больш дэмілітарызаваных расейскіх самалётаў», - гаворыцца ў паведамленні камандавання ў Telegram.
Са звестак Oryx, на аэрадроме Сакі былі знішчаны не менш за чатыры самалёты Су-30СМ, шэсць ударна-тактычных самалётаў-разведчыкаў Су-24М/МР (пяць знішчаны, адзін пашкоджаны).
List Of Aircraft Losses During The 2022 Russian Invasion Of #Ukraine 🇷🇺🇺🇦
— Oryx (@oryxspioenkop) August 10, 2022
Russian losses at Saky airbase updated with:
- 4 Su-30SM multirole aircraft (destroyed)
- 6 Su-24M/MR strike/tactical reconnaissance aircraft (5, destroyed, 1x damaged)https://t.co/5JxYI4fmCm
Эксперт Аляксандр Олівер адзначае, што былі знішчаны ад 9 да 14 самалётаў.
Finally we have imagery of Saki Airbase. Serious losses for Russian aviation. At least 3 Su-30s and 6 Su-24s have been destroyed. Imagery isn't good enough to confirm, but possibly 2 additional Su-24s and 3 additional Su-30s destroyed.
— Oliver Alexander (@OAlexanderDK) August 10, 2022
Between 9-14 aircraft destroyed. https://t.co/MDK3JVVoc3 pic.twitter.com/OLgkgqjSkr
Заснавальнік і крэатыўны дырэктар Bellingcat Эліёт Хігінс заявіў, што не можа ўзгадаць, калі Расея страчвала столькі паветраных сродкаў за адзін дзень.
«Яны павінны быць дужа ўстурбаваныя здольнасцю Украіны нанесці такія ўдары дзе-небудзь, асабліва па мосце праз Керчанскую затоку», - напісаў журналіст.
I can't think of a time Russia has lost this many air assets in one day in recent memory, and they have to be deeply concerned about Ukraine's ability to do similar strikes elsewhere, especially the Kerch Strait Bridge.
— Eliot Higgins (@EliotHiggins) August 10, 2022
9 жніўня на вайсковай авіябазе РФ Сакі каля пасёлка Новафёдараўка ў акупаваным Крыме прагрымелі некалькі магутных выбухаў. Слупы дыму ад іх былі відаць як на сушы, так і ў моры.
У Мінабароны РФ заявілі, што адбылася «дэтанацыя некалькіх авіяцыйных боепрыпасаў».
У Мінабароны Украіны пракаментавала выбухі на аэрадроме Сакі ў акупаваным Крыме. Ведамства адзначыла, што не можа высветліць прычыну пажару на тэрыторыі аэрадрома, але нагадвае аб правілах пажарнай бяспекі і забароне курэння ў неўстаноўленых месцах.
