Што адбываецца ў бітве за Данбас: справаздача брытанскай выведкі
- 7.07.2022, 11:16
- 6,172
Расейскія войскі перафармоўваюцца.
У баях на Данбасе пазначылася паўза. Расейскія войскі перафармоўваюцца пасля наступу на мінулым тыдні.
Пра гэта паведамляе Міністэрства абароны Вялікабрытаніі ў Twitter.
Са звестак брытанскай выведкі ўздоўж лініі фронту ў Данецку моцны абстрэл, але Расея не дабілася значных поспехаў.
«Расейскія падраздзяленні, якія ўдзельнічалі наступе на мінулым тыдні, цяпер, магчыма, перафармоўваюцца», – адзначылі ў Мінабароны Брытаніі.
Адзначым, са звестак брытанскай выведкі, пасля захопу амаль усёй тэрыторыі Луганскай вобласці расейскія войскі паспрабуюць узяць пад кантроль і Данецкую вобласць і будуць руйнаваць гарады з зямлёй артылерыяй.
Нагадаем, паводле звестак Інстытута вывучэння вайны (ISW), Расея ўзяла «аператыўную паўзу» ў баях за Данбас. Пры гэтым Крэмль рыхтуе эканоміку да зацяжной вайны.